繼續買入中銀香港、新創建，另新加入匯豐

這幾日大跌市都是一手一手買，買入中銀香港、新創建，另外見匯豐有7厘，又買入多一手。
下一個目標會是潤地，現時股票資金池餘下最後32%現金。

20190819 今日計埋除息平手沽出匯豐，減持銀行股比例，轉倉買入14手3883奧園@10.31，加入內房股

20190823 買入4000股659@13.38

20190826 平手10.34沽出14000股奧園

20190828 買入10000股奧園@9.55，另外8.19沽出全數中飛租。現時主要持有新創建、越交建、必瘦站、中銀香港及奧園，現金比例45%。

斜陽落下心中不必驚慌

期待已久嘅股災終於出現，大部份嘅優質大藍籌都出現左顯著性嘅調整，所以我決定由26,500點開始買入，新創建、中銀香港、友邦、建行將會係組合的新動力，而防守方面除咗越秀交通基建，仲加入左中國飛機租賃同匯豐，組合收息率約5.9%，足夠防守。

不斷減持股票，增持現金

由於這幾個星期的政局實在太不穩定，我亦看不到政府和警察如何可以解決是次紛爭，因此大手減持手頭上的股票，現時只持有1883、66、1052，先觀望局勢發展。

買入建行及友邦

昨日以$6.20買入17000股建行，買入原因主要見佢股價跌至股息率5厘以上(扣除10%股息稅後)，此外，技術面上亦以接近年初的底部。呢個價位買入，輸極有限。

今日以$87.75買入2000股AIA，佢ge優勢不用多講了，大把blogger高手已分析。

另外早前以均價2.25平手賣出1373日本城，買之前沒預計會有光復的大型衝突，睇完呢個星期沙田、元朗、上水的衝突後，黎緊仲話唔同地區陸續有來，零售股都係要避避。

買入737灣區發展 及 1373 日本城

上星期以2.23買入50000股日本城，預計今年全年派0.142，對應息率6.3%。買入原因如下:

1. 業務具防守性，屬民生股
2. 派息記錄穩定，2013年上市以來，每年都持續穩定地派息，上年更大幅增派
3. David webb 1.58持3600萬股，其他著名基金如Fidelity、FMR、Pandanus Partners L.P.也持有其股份
4. 管理層有遠見，魏主席自己本身也是白手興家。有興趣可看其商對論的專訪。
大致上去睇日本城係一間實業的公司，主張穩定性增長，循序漸進地派息。

$4.1買入12500股737，作為第一注買入，買入原因如下:

1. 最近改名為灣區發展，又同萬科合作，我覺得佢黎緊係想轉型，由而家兩條公路拓展做跟developer相關的業務。未來會由一隻收息股變左做一隻增長股。

2. 合和易手比深圳政府果陣，佢搵左萬科入股，同時廣深高速新塘立交用地的用地權係737，如果政府收回用地要比土地補償金 737，而新塘立交的改造費用就由中標土地的公司承擔。合和搵萬科估計都係想借萬科經驗主動參與呢個地產發展項目。

3. 收息率去睇，預計全年派0.22左右，買入價$4.1對應係5.3%，尚算不俗。

4. 股權分佈方面，深投控佔71.83%。萬科佔9.9%，CMF基金(即太平洋人壽)佔9.45%，其他公眾人士佔8.82%。CMF基金的持股將於五年後配售，若配售低於其購入的成本價，將由大股東補回差額。我相信佢地用$4.8去買入737，望緊的唔會只係兩條公路，如果只係望兩條公路，絕對唔值得用$4.8入股，佢地睇到的應該係廣深高速新塘立交用地的發展權，同埋借深圳市政府之力參與未來灣區發展。，我諗呢個都係深圳市政府迫合和出售737的原因

總結，買737個心猶如買九巴，都係等土地轉換，釋放公司內在價值，需要用一個長線的心態去增持同持有。不過737唯一的缺點係3位大股東已佔91%，散戶只係得8.82%貨源去買，成交量極低，要收貨需要一D時間。

必瘦站、港鐵、領展創3年新高

7月可算是2019年至今股價表現最好的一個月份，股票基金總資產價值也由5月27日的$1,032,778.56躍升至今日的$1,172,913.89，帳面多賺約14萬，雖然只是帳面數字，但證明自己選對了股也是值得開心的。期間組合中必瘦站、港鐵、領展更屢創3年新高，值得為這3間公司的管理層鼓舞👏👏

收息方面，6月-7月份已陸續收到載通、越交建以及領展合共股息$10,161。而未來9月份更預計會收到組合中最大的單份股息，來自組合回報一哥必瘦站，估計約$0.194*156000*99.5%=$30,112.68。希望一哥可以再創佳續，不知2019年尾可否去到$4目標價呢😜
****************************************************************************
2019/07/08 1:49pm突發消息

必瘦站驚現多單超大手賣出成交!! 總成交去到6000幾萬，是平日正常成交的20幾倍，因此決定以2.34先行沽出所有貨，伺機再入，是次投資必瘦站共賺$117,081.86 (+29.1%)😋，以我買入價2.58來計算，等於提早收取2年的股息，算是不錯了。

趁大戰下加注必瘦站及中銀香港

今年必瘦站業績公佈日期比以往慣例6月30日提前了一星期，今天趁必瘦站回調再加注12000股@$2.58，總持股數升至156,000股，每股成本價微升至$2.58。期望末期息可增派至$0.2!

另外上星期以$30買入中銀香港，以買入價計PE只有10倍，而預計股息率有5%以上。

最後，想引用一下本blog宗旨，他強由他強，清風拂山崗，他自狠來他自惡，我自一口真氣足。現時股市惡由股市惡，繼續堅定自己宗旨，絕不比佢大市所動搖，尋找機會入市儲貨。