2018年12月12日 星期三

組合更新 (2018/12)

終於到了2018年的最後一個月份,過往的一個月內,感覺股市已在牛一階段,但華為CFO突然比加拿大政府拘留,令到原本的升浪又停左,港股都係25000-27000之間上落。而呢個月,經過上一篇文章自己對投資的反思,組合上都做左部份調整。

1. 加入新成員709。睇完雲地兄的分析、自己又再睇睇年報之後,709的確實係一隻現金牛,資多過債,而且業務似乎轉型成功,慢慢見到增長,以我買入價計,預測息率近10厘,極具防守力。不過服裝競爭依然激烈,年青一群感覺都係以幫襯H&M、ZARA、UNIQLO為主,Baleno、Bossini、Giordano 較少,所以每季都要睇實佢個現金流變化,不時作出調整。

2. 在65蚊附近兩度增持匯控,持股量由400股升至1200股。買佢主要原因是由於股價升破6厘息率,以一年派4次息去睇十分吸引,而且係可見的未來,睇唔到佢有減派息的可能性,唯有食住6厘息待大市有突破性發展。

3. 股份由10隻調整到8隻,主要是想化整為零,始終股份愈多,需要分析的時間都愈多。

4. 每年現金流增加了,組合息率由4.4%升至5%。
















月供股票方面繼續進行,今年最後一期供款由8000增至10000 (因11月中set左,改唔切)。但因見大部份股票都已經係低回升左不少,特別823 非常強勢,再創新高令我可買的數量減少了,所以決定下個月開始減少供款至7000。而由於供款額減少,月供數量減少至2隻,三選二的確是有點難度😩,因為3隻都係十分優質的股票,領展是我的主菜,在地鐵和中銀之間,最後選擇左地鐵,原因係我已經持有左一定數量的銀行股(匯豐),公用股方面似乎比較少,選好後,暫定下月開始每月維持4000領展、3000地鐵。哈哈,2隻都是政府放入股市的寶物😁。
至於中銀方面,由於只有169股碎股,適逢今日跌市,我就趕快買入331股湊夠一手,日後搵機會再放。再見中銀香港😭

P.S 今年從手中丟失的兩隻寶物 - 香港電訊、中信國際電訊 又不斷創新高了,回想起如果年中自己沒有賣掉,現在的盈利可說是不少,而且當時兩者分別以9.7及2.15持有達70萬。以當時的買入價計,息率達6.5厘及7厘。可惜當時見帳面連已收股息有達20%利潤而沽出了,換馬恒基及奧園,期望兩者的隱藏價值能夠釋放,可惜之後遇上貿易戰及加息,令兩者都受壓。有時真的人算不如天算,一動不如一靜好了,哈哈。

3 則留言:

  1. 原來你是恒基的粉絲 恒基跌我都沒有怕 我對佢也有信心 我等跌返D就再加^_^
    匯控有6厘左右開始買時候也差不多
    另外股票有時好衰 擺埋一二邊唔理佢仲好 我都周不時斬左D好股之後爆升

    回覆刪除
    回覆
    1. 恒基跌我都沒有怕 我對佢也有信心 我等跌返D就再加^_^ <<<<<<<同意
      匯控有6厘左右開始買時候也差不多 <<<<<<<<<<同意x2
      另外股票有時好衰 擺埋一二邊唔理佢仲好 我都周不時斬左D好股之後爆升<<<<<同意x3

      哈哈,我和 AM 兄、Forest 兄的理念差不多 :D

      刪除
    2. 哈哈,原來forest兄都是恒基的粉絲,太好了,恒基又多一位支持者!

      我和雲地兄都重倉了四叔,唯一分別是,雲地兄重倉煤氣,我重倉了恒地,同樣大家每年都有十送一,不同的是雲地兄的是公用股,穩陣好多呢!

      刪除