上星期以2.23買入50000股日本城，預計今年全年派0.142，對應息率6.3%。買入原因如下:
1. 業務具防守性，屬民生股
2. 派息記錄穩定，2013年上市以來，每年都持續穩定地派息，上年更大幅增派
3. David webb 1.58持3600萬股，其他著名基金如Fidelity、FMR、Pandanus Partners L.P.也持有其股份
4. 管理層有遠見，魏主席自己本身也是白手興家。有興趣可看其商對論的專訪。
大致上去睇日本城係一間實業的公司，主張穩定性增長，循序漸進地派息。
$4.1買入12500股737，作為第一注買入，買入原因如下:
1. 最近改名為灣區發展，又同萬科合作，我覺得佢黎緊係想轉型，由而家兩條公路拓展做跟developer相關的業務。未來會由一隻收息股變左做一隻增長股。
2. 合和易手比深圳政府果陣，佢搵左萬科入股，同時廣深高速新塘立交用地的用地權係737，如果政府收回用地要比土地補償金 737，而新塘立交的改造費用就由中標土地的公司承擔。合和搵萬科估計都係想借萬科經驗主動參與呢個地產發展項目。
3. 收息率去睇，預計全年派0.22左右，買入價$4.1對應係5.3%，尚算不俗。
4. 股權分佈方面，深投控佔71.83%。萬科佔9.9%，CMF基金(即太平洋人壽)佔9.45%，其他公眾人士佔8.82%。CMF基金的持股將於五年後配售，若配售低於其購入的成本價，將由大股東補回差額。我相信佢地用$4.8去買入737，望緊的唔會只係兩條公路，如果只係望兩條公路，絕對唔值得用$4.8入股，佢地睇到的應該係廣深高速新塘立交用地的發展權，同埋借深圳市政府之力參與未來灣區發展。，我諗呢個都係深圳市政府迫合和出售737的原因
總結，買737個心猶如買九巴，都係等土地轉換，釋放公司內在價值，需要用一個長線的心態去增持同持有。不過737唯一的缺點係3位大股東已佔91%，散戶只係得8.82%貨源去買，成交量極低，要收貨需要一D時間。
沒有留言:
張貼留言